Roteiro Maker é unha iniciativa que trata de achegar a ciencia e a tecnoloxía a zonas rurais e semirurais de Galicia, para tódolos públicos e nun formato innovador e divertido. Trátase dun vehículo tipo camioneta adecuado para levar a cabo diferentes actividades. No seu interior, seguindo coa estética maker, atópanse diferentes seccións coas estacións interactivas de coñecemento e as distintas tecnoloxías que poden ser utilizadas durante as paradas. Ademais, durante ditas paradas colocaránse no exterior varias mesas para poder chegar a un maior número de persoas.

Os obxectivos do proxecto son os seguintes:

• Achegar o coñecemento científico e tecnolóxico ás zonas rurais e semirurais de forma cercana e divertida, simplificando a comprensión de fenómenos e conceptos complexos do día a día para facelos accesibles ao maior número de persoas posibles.
• Dar a coñocer o Movemento Maker e a filosofía “Do it yourself”, creando unha contorna de creación de proxectos de maneira creativa, sostible e colaborativa.
• Potenciar a creatividade e a innovación xerando un espazo onde se estimule a curiosidade e o interés pola ciencia e a tecnoloxía.

A iniciativa xorde seguindo o auxe da Maker Faire Galicia, que celebrou no 2019 a súa quinta edición consolidándose como a máis importante da península. O principal valor da Maker Faire Galicia, e gran parte do seu éxito, débese a ampla visión que otorga o concepto de Maker, así como a calidade de proxectos que se presentan, dos que xa se fixeron eco distintos medios a nivel internacional. Durante as 5 edicións do evento en Santiago de Compostela acudiron máis de 50.000 asistentes, o que deixa patente o interese da sociedade galega polo mundo da ciencia, a tecnoloxía e a innovación.

O Roteiro Maker pretende achegar estes coñecementos a zonas de difícil acceso e, dun xeito divertido e innovador, atraer ás persoas de diferentes colectivos e idades a participar nos diferentes obradoiros. Para levar a cabo esta tarefa de divulgación escolleuse un formato innovador en España, unha camioneta altamente equipada para recorrer os disntitos municipios promovendo a participación activa da cidadanía en eventos científico-tecnolóxicos dun xeito moi práctico e a pé de rúa.

Maker ou facedor é unha persoa que une o coñecemento técnico cun alto potencial creativo, o que lle permite ter unha gran capacidade de resolución de problemas e xerar innovación.

Durante toda a historia da humanidade sempre houbo grandes Makers, pero a día de hoxe, e grazas á tecnoloxía, os proxectos compártense na rede con Makers de todo o mundo, permitindo unha innovacion moito máis áxil. Deste xeito xurdiu un movemento moi potente a nivel global que se coñece como Movemento Maker.

Este movemento baséase na cultura do «Do It Yourself» e a aplicación dos principios do software libre e a fabricación. Dita fabricación democratizouse pasando das grandes empresas ao usuario medio, todo grazas á aparición de espazos como FabLabs, HackerSpaces ou MakerSpaces e ao coñecemento compartido xerado en redes.